مسلسل ود المك.. يناقش عدد من القضايا التي ظلت مصدر أرق وألم لنا كسودانين.

مسلسل ود المك  : هو مسلسل سوداني درامي اجتماعي من اخراج المخرج هيثم الامين و  بطولة النجم الصاعد  مصعب عمر "زول سغيل" و الفنان الكبير احمد البكري و الفنان القدير صلاح احمد علي و النجمة سلافة مكي و النجم اوسو وعدد من نجوم الدراما السودانية، و مسلسل ود المك يتم عرض حلقاته يومياً في شهر رمضان 2023.

المخرج هيثم الامين يكشف تفاصيل مسلسل ود المك في رمضان 2023.

وتحدث المخرج هيثم الامين عن مسلسل ود المك و قال " المرة دي المشروع بالنسبه لي مختلف من كل النواحي وأجمل مافيه أنه كتجربه معموله بحب وروح الفريق طاغيه علي كل التفاصيل، عشان كده دايما بقول للناس القريبين مني أن مسلسل “ود ألمك” ماعباره عن مسلسل درامي والسلام، ود ألمك عمل بعكس الواقع السوداني وبهبش القضايا الحيه والحاره جدا وبتكلم عن واقعنا الإجتماعي والسياسي وبيناقش عدد من القضايا التي ظلت مصدر أرق وألم لنا كسودانين ، الموضوع بالنسبه لنا كا كاست أكبر من كونه عمل بنبحث عبره عن نجاحات شخصية او بطولات ذاتيه ، ماداير اتكلم عن مبالغ أو تكاليف إنتاجية لانه مهما كانت قيمة المبالغ دي مابتساوي 1% من القيمه الحقيقية للعمل المتمثله في تقديم عمل يليق بالمشاهد السوداني وتقديم عمل يشكل اضافه حقيقيه لمكتبة الدراما السودانيه، وتقديم عمل يساهم ولو بالقليل في عكس مشاكلنا المجتمعيه والمساهمه في ايجاد بعض الحلول حتي لو كان من باب القالب الدرامي ، دايما كنت بقول رمضان درامته سودانيه وبإذن الله رمضان السنه دي درامته حتكون سودانيه ".

القنوات الناقلة لمسلسل ود المك بطولة زول سغيل في رمضان 2023.

ويتم عرض مسلسل ود المك بداية أيام شهر رمضان المبارك علي عدد من القنوات السودانية منها شاشة قناة البلد السودانية عند الساعة 4:25 عصراً وعلي شاشة قناة سودانية 24 في تمام الساعة 8:30.

و يتم عرض مسلسل ود المك علي قناة زول سغيل علي "يوتيوب" في تمام الساعة الثالثة عصراً.

 ونال إعجاب الكثيرين علي مواقع التواصل الإجتماعي.